Үрүмчидики ат бәйгә мәйданида кичик аптомобил партлаш йүз бәрди

Хитайниң үрүмчи шәһәрлик сақчи идариси түнүгүн, ат бәйгә мәйданидики иккинчи номурлуқ бенизин вә газ қачилаш понкитида 22 ‏- ноябир күни йүз бәргән партлаш вәқәси тоғрисида ахбарат елан қилди.
Мухбиримиз вәли
2009.11.25
Share on WhatsApp
Share on WhatsApp

'Хитай хәвәр тори'да баян қилинишичә, 21‏ - числа кәч саәт 19да, 'шали' маркилиқ бир пикап газ қачилаш җәрянида партлап кәткән. Вәқә йүз бәргәндин кейин шопур қечип кәткән. Исминиң баш һәрипи 'с' билән башлинидиған бу җинайәт гумандари әтиси әтигәндә, хәлқ мәйдани әтрапидики бир қурулушниң ишчилар ятиқидин тутулған. Партлап кәткән пикап исми 'ә' һәрипи билән башлинидиған бир кишиниң намида тизимланған икән.

Хитай сақчи идарисиниң ахбаратида баян қилинишичә, исминиң баш һәрипи 'с' билән башлинидиған бу җинайәт гумандари 'шали' маркилиқ бу пикапниң бенизин қачилайдиған сестимисини газ қачилайдиған қилип өзгәрткән.

Бу пикап үчинчи қетим газ қачилиғанда партлап кәткән. Бу қетимқи партлашта газ понкитиниң бир хизмәтчиси зәхмиләнгән, газ понкитиниң лапасилирида икки түшүк ечилип кәткән. Хитайниң сақчи идариси һазир җинайәт гумандарини вә униңға мунасивәтлик кишиләрни тәкшүрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.