Хитай йәрлик алаһидиликкә игә қанун арқилиқ милләтләр иттипақлиқи тәрбийисиниң үнүмини ашурмақчи

Мәзкур лайиһә бултур 8 - айда түзүлүшкә башлиған, түзүшкә алақидар идарә - җәмийәт, аммивий тәшкилат вә тәтқиқат җәмийәтлири болуп, 40 тин артуқ орун иштирак қилған; көзәткүчиләр лайиһәдә һечқандақ бир йеңилиқ яки конкрет бир чарә йоқлуқини илгири сүрмәктә.

Америкидики шәрқ - ғәрб университетиниң профессори яң лю, бүгүн радиомизниң хитайчә бөлүминиң зияритини қобул қилип, бу лайиһә һәққидә пикир баян қилған. У пикиридә, хитай компартийисиниң аз санлиқ милләтләр мәсилисидә йәнила мәсилиниң йилтизидин өзини қачуруватқанлиқини, бу йәрдики тәлим - тәрбийә арқилиқ түзүлидиған мәсилә әмәсликини, болупму бир тәрәптин бастуруп, йәнә бир тәрәптин иттипақлиқ тәрбийиси елип беришниң бурун үнүм бәрмигәндәк, бундин кейинму үнүм бәрмәйдиғанлиқини, уйғур районидики миллий зиддийәтниң пәқәт вә пәқәт өз тәқдирини өзи бәлгиләш биләнла әмәлгә ашидиғанлиқини оттуриға қойған.