Әсқәт керимбай: мәһәллиләргә чүшкән кадирлар бурчини унутмаслиқи лазим

Шинҗаң гезитиниң хәвиригә қариғанда, уйғур аптоном районлуқ сияси кеңәшниң рәиси әсқәт керимбай, 13 - авғуст үрүмчи шәһригә қарашлиқ тәңритағ райони, җәнуби азатлиқ йоли мәһәллә комитетиға келип, бу йәргә хизмәткә чүшкән "муқимлиқни сақлиғучи кадирлар" гурупписини йоқлиған.
Мухбиримиз җүмә
2009.08.15

Әсқәт керимбай бу кадирлардин, аммини қозғутуп " рабийәләр" вә дуня уйғур қурултийи милләтләр арисида пәйда қилған миллий зиддийәт, қаршилиқ вә тәшкиллик зораванлиқни паш қилишни, " 5 - июл вәқәси" җәрянидики милләтләрниң һәмдәмлики, иттипақлиқи вә меһрибанлиқи қатарлиқ тәсирлик иш излар арқилиқ "үч хил күчләр" пәйда қилған милләтләр қәлбидики җараһәтни йоқутушни тәләп қилған.

Игилишимизчә, "5 - июл паҗиәси" дин кейин үрүмчиниң уйғурлар мәркәзлик олтурақлашқан тәңритағ райониға атуштин башқа һәрқайси уйғур шәһәр наһийилиридин 500 уйғур кадир йөткәп келингән.

Уларға сияси мәйдани сағлам болуш, хитайчини пухта билиш, 35 яштин юқури болмаслиқ қатарлиқ тәләпләр қоюлған. Мәмликәт бойичә әң намрат наһийә тоққузақ наһийисидинла 17 кадир йөткәлгән.

Бу кадирлар асасән һәр қайси мәһәллиләрдики уйғурларниң нопуси, сияси, дини арқа көрүниши, алақә даириси қатарлиқларни архиплаштуруп чиқмақта икән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.