Ürümchide xitay dölet bayrimi mezgilide qolgha élish dawamlashti

Dunya Uyghur qurultiyining bayan qilishiche, xitay döliti qurulghanliqining 60 yilliq bayrimi mezgilide, bezi Uyghur yashliri namayish qilmaqchi bolghan, emma namayishtin baldur xewerdar bolghan xitay da'iriliri namayishni tosqan we namayish uyushturmaqchi bolghan 26 yashni qolgha alghan.
Muxbirimiz irade
2009.10.02
Share on WhatsApp
Share on WhatsApp

Dunya Uyghur qurultiyi teminligen melumatqa qarighanda, bu yashlar birinchi öktebir küni etigen sa'et 8 de Uyghur rayonluq qoralliq qisimliri teripidin ürümchidiki jenubi azadliq kochisi, ghalibiyet yoli, ittipaq yoli we konsul kochisi qatarliq mehellilerdin qolgha élin'ghan. Xitay da'iriliri bu yashlarning "namayish uyushturush arqiliq jem'iyet amanliqini buzup, döletning pütünlükini bölüsh" ni meqset qilghanliqini ilgiri sürgen.

Dunya Uyghur qurultiyining bayanatchisi dilshat rishit, xitay hökümitining 1 - öktebir bayrimining bixeterlikige kapaletlik qilish bahanisi bilen 30 - séntebir kéchidin tartipla heriketke ötkenlikini, nechche ming saqchi ajirtip, mehelle mehellilerde chaza qurup Uyghurlarning kimlik we qol somkilirini tekshürgenlikini bayan qildi.

Dilshat rishit yene, xitay da'irilirining bayram harpisida 100din artuq Uyghurni qolgha alghanliqini, bularning burun türmidin qoyup bérilgen kishiler we 5 - iyul weqeside xitay teripidin öltürülgen Uyghurlarning a'ile tawabi'atliri ikenlikini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.