Ürümchide saqchilar we qoralliq 'xelq eskerliri' xelqqe heywe qilmaqta

Xewerlerdin melum bolushiche, 29 - iyul küni xitay da'iriliri ürümchidiki Uyghurlar zich olturaqlashqan tengritagh we saybagh rayonlirida yéngidin 4 saqchixana qurghanliqini jakarlap, bu saqchixanilargha ürümchi weqesidin kéyin ürümchi shehirining amanliqini qoghdash nami astida 500 neper saqchini toluqlap qobul qilghan.
Muxbirimiz irade
2009.07.30

Bu saqchilar 3 künlük terbiyilesh kursigha qatnashqandin kéyin her qaysi saqchixanilarda wezipe öteshke bashlighan .

Shinxu'a xewer toridin melum bolushiche, 28 - iyul küni ürümchi sheherlik herbiy rayoni jenubiy köl xelq meydanida mingdin artuq xelq eskiri qatnashqan chong kölemlik qesemyad yighini ötküzgen bolup, yighinning échilishida ürümchi shehirining bashliqi jarulla hésamidin söz qilip 5 - iyul weqesi yüz bergendin kéyin " ürümchi shehiridiki eskerler kéche - kündüz birinchi septe jeng qilip, ürümchi shehirining muqimliqini qoghdashqa zor töhpe qoshti" dégen.

Weqe yüz bergendin kéyin xitay da'iriliri gerche bu qétimliq weqeni chet'ellerdiki üch xil küchlerning peyda qilghanliqini, ürümchi xelqining inaq-ittipaq yashawatqanliqini ilgiri sürüp, jem'iyet amanliqining tézla eslige kelgenlikini küchep teshwiq qiliwatqan bolsimu, emma bir yandin hedep eskiri küchlerni küchlendürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.