Үрүмчидики сақчиханилар '4 тәрәплимилик қоғдиниш' қатарлиқ тәдбирини қоллинип 'җәмийәт аманлиқини яхшилиғанлиқи' илгири сүрүлмәктә
Шинхуа агентлиқида көрситишичә, үрүмчи шәһири хотән кочиси сақчиханиси, юқирида тилға елинған тәдбирләрни йолға қойған сақчиханиларниң бир икән. Бу сақчихана өзигә қарашлиқ районларда җәмийәт муқимлиқини илгири сүрүш учун, өз районида чарлаш елип бериш, вә оз районида яймичилиқ қилидиған тиҗарәтчиләрни тарқақлаштуруш қатарлиқ тәдбирләрни алған.
Хотән кочиси сақчиханисиниң башлиқи лу вәнлоңниң билдүрүшичә, улар өз сақчиханисиға қарашлиқ районларда кәч саәт 11 дин әтигән саәт 4 кечә чарлаш елип беришқа башлиған. Әмма бу тәдбирләрни 2009 - йили қанчинчи айдин башлап йолға қойғанлиқини ашкарилимиған.
Улар йәнә, өз районидики 227 һәрикәтчан яймичини тәкшүрүп, уларниң ичидә 19 нәпириниң пичақ елип йүридиғанлиқини байқиған вә шундин кейин бу яймичиларниң рәсимни тартип, архип турғузған.
Әмма, хәвәрдә юқирида тилға елинған яймичиларниң милләт тәркиби ашкариланмиған. Тәһлилчиләрниң қаришичә, бу хитай йәрлик һөкүмитиниң "5 - июл үрүмчи вәқәси"дин кейин үрүмчидә алған әң йеңи "бихәтәрлик тәдбирлири"ниң бири болуши мумкин икән.
- Хитай қарамайда тунҗи болуп синақ қиливатқан әқлий иқтидарлиқ чарлиғучи машина қандақ нәрсә?
- Норвегийәдә “шәрқий түркистан әркинлик лоңқисини талишиш” путбол мусабиқиси башланди
- Уйғур ирқий қирғинчилиқиниң өтмүши, бүгүни вә кәлгүсигә нәзәр
- Вашингтон вә ню-йоркта “5-июл үрүмчи қирғинчилиқи” ниң 13 йиллиқиға беғишланған намайиш өткүзүлди
- Хәлқара диний әркинлик алий кеңишидә чақниған уйғур мәсилиси (нәзәр 74-сан)
