'Уруш қилишта алақә системимизниң хәвипсизликини капаләткә игә қилишимиз керәк'

Франсийә агентлиқиниң көрситишичә, мәзкур пикир бирлики, америкиниң җәнубий корийидики һәрбий базисиниң командири, америка вә корийә даирилириниң һәрбий компютерларни интернет һуҗумлиридин қоғдап қелиш үчүн "қаттиқ тәдбирләр" ни елиш лазимлиқини көрсәткәндин кейин мәйданға кәлгән.

Америкиниң җәнубий корийидики һава армийә базисиниң командири лейтенат генерал җеферий ремиңтон оттуриға қойған болуп, франсийә агентлиқиниң көрситишичә, у, уруш мәзгилидә һәрбий алақиниң һәтта дәқиқә үзүлүп қелиши апәт характерлик ақивәтләрни кәлтүрүп чиқиридиғанлиқини көрсәткән.

У йәнә, һәрбий алақә системиси яки һөҗҗәтлириниң қисқа муддәт болсиму тәһдиткә учришиға йол қоюшқа болмайдиғанлиқини билдүргән вә "биз уруш қилишта алақә системимизниң хәвпсизликини капаләткә игә қилишимиз керәк," дегән.

Мәлум болушичә, америка дөләт мудапиә министирлиқи бу йил июлдин башлап интернет тор бошлуқи қисимлирини бәрпа қилған болуп, җәнубий корийә бу хилдики қисимлирини келәр йили йолға қойидикән.