“уйғурбиз” торбети: уйғур елидә ишсиз яшларниң 80%i йәрлик милләтләрниң яшлири

Уйғур елидә алий мәктәпләрни пүттүрүп иш күтүп турған яшларниң сани 60 миң, һәр йили оқуш пүттүридиған алий мәктәп оқуғучилириниң сани болса 70 миң.
Мухбиримиз шөһрәт һошур
2011.03.22

Йеқинқи йиллардин бери, уйғур елиниң түрлүк мәсилилири үстидә елип барған бир қатар илмий тәкшүрүш нәтиҗилири билән уйғур вәзийитини көзитиватқан ахбарат вә тәтқиқат саһәсиниң муһим пайдилиниш материял мәнбәсигә айланған “уйғурбиз” тор бети бүгүн йәнә бир чоң иҗтимаий мәсилини санлиқ мәлуматлири билән оттуриға қойди.

Торбәтниң бүгүнки хәвиридә билдүрүлүшичә, нөвәттә уйғур елидә алий мәктәпләрни пүттүрүп иш күтүп турған яшларниң сани 60 миң, һәр йили оқуш пүттүридиған алий мәктәп оқуғучилириниң сани болса 70 миң. Алий мәктәп пүттүрүп ишсиз қалған яшларниң 80% и уйғур қатарлиқ йәрлик милләтләргә тәвә яшлардур.

Хәвәрдә йәнә әскәртилишичә, ишсиз яшлар арисидики аялларниң нисбити 60%. Уйғурбиз торбети бу учурларни уйғур аптоном районлуқ кадирлар назаритиниң һөҗҗәт вә доклатлиридики статистикилиқ мәлуматлириға асасән топлиған.

Уйғур елидә йәрлик милләтләр арисида ишсизлиқ нисбитиниң йүксәклики узундин бери мәвҗут болуп һәм билинип келиватқан болсиму, хитай һөкүмити алақидар һөҗҗәт вә материяллирида мәсилиниң бу тәрипини гәвдиләндүрмәй яки тилған алмай кәлгән иди.

Интернетниң омумлишиши вә уйғурбиз торбетигә охшаш мустәқил тәтқиқат васитилириниң баш көтүрүп чиқиши уйғур елидики бу түр бир қисим назук вә қәдимий мәсилиләрниң сир тутулуш әнәнисигә хатимә бәрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.