"Uyghurbiz" torbéti: Uyghur élide ishsiz yashlarning 80%i yerlik milletlerning yashliri

Uyghur élide aliy mekteplerni püttürüp ish kütüp turghan yashlarning sani 60 ming, her yili oqush püttüridighan aliy mektep oqughuchilirining sani bolsa 70 ming.
Muxbirimiz shöhret hoshur
2011-03-22
Share

Yéqinqi yillardin béri, Uyghur élining türlük mesililiri üstide élip barghan bir qatar ilmiy tekshürüsh netijiliri bilen Uyghur weziyitini közitiwatqan axbarat we tetqiqat sahesining muhim paydilinish matériyal menbesige aylan'ghan "Uyghurbiz" tor béti bügün yene bir chong ijtima'iy mesilini sanliq melumatliri bilen otturigha qoydi.

Torbetning bügünki xewiride bildürülüshiche, nöwette Uyghur élide aliy mekteplerni püttürüp ish kütüp turghan yashlarning sani 60 ming, her yili oqush püttüridighan aliy mektep oqughuchilirining sani bolsa 70 ming. Aliy mektep püttürüp ishsiz qalghan yashlarning 80% i Uyghur qatarliq yerlik milletlerge tewe yashlardur.

Xewerde yene eskertilishiche, ishsiz yashlar arisidiki ayallarning nisbiti 60%. Uyghurbiz torbéti bu uchurlarni Uyghur aptonom rayonluq kadirlar nazaritining höjjet we doklatliridiki statistikiliq melumatlirigha asasen toplighan.

Uyghur élide yerlik milletler arisida ishsizliq nisbitining yüksekliki uzundin béri mewjut bolup hem bilinip kéliwatqan bolsimu, xitay hökümiti alaqidar höjjet we matériyallirida mesilining bu teripini gewdilendürmey yaki tilghan almay kelgen idi.

Intérnétning omumlishishi we Uyghurbiz torbétige oxshash musteqil tetqiqat wasitilirining bash kötürüp chiqishi Uyghur élidiki bu tür bir qisim nazuk we qedimiy mesililerning sir tutulush en'enisige xatime bermekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet