“җуңхуа милләтлириниң бүйүк иттипақлиқи” уйғур елидики толуқ оттура мәктәп дәрсликигә киргүзүлди

Уйғур аптоном район даирилири бу йилдин башлап уйғур елидики толуқ оттура мәктәпләрдә “җуңхуа милләтлириниң бүйүк иттипақлиқи” намлиқ китабни дәрслик қилип оқутушни йолға қойидикән.
Мухбиримиз ирадә
2013.01.29
Share on WhatsApp
Share on WhatsApp

Хитай маарип хәвәрлириниң хәвиридин қариғанда мәзкур оқушлуқни шинҗаң маарип назарити түзүп чиққан болуп, у җуңхуа милләтлири, дөләтниң бирлики, иттипақлишип тәрәққий қилиш вә түзүм капалити қатарлиқ 4 бөлүмдин тәркиб тапқан.

Даириләр җуңхуа милләтлириниң бүйүк иттипақлиқини дәрслик қилип оқутушниң мәқситини оқуғучиларниң җуңхуа милләтлириниң бүйүк иттипақлиқиға болған тонушини вә мәсулийәт туйғусини ашуруш, дәп көрсәткән.

Хитай даирилириниң йеқиндин буян уйғур елидики яш-өсмүрләргә қаритилған идийә-тәшвиқат хизмитини күчәйтиватқанлиқи байқалмақта. Чүнки, техи йеқиндила уйғур райони алий мәктәпләрдә вәтәнни тонуш, җуңхуа миллитини тонуш, җуңхуа мәдәнийитини тонуш, җуңгочә алаһидиликкә игә сотсиялизмни тонуштин ибарәт “төтни тонуш” идийиси оқутушини оқутуш хизмәтлиридики муһим түрләрниң бири қилип киргүзгән иди.

Бүгүн дуня уйғур қурултийи вәқәгә инкас қайтуруп, хитай һөкүмитиниң маарипни сиясийлаштуруш арқилиқ, уйғур яшлири үстидин “меңә ююш һәрикити” йүргүзүватқанлиқини билдүрди. Дуня уйғур қурултийи баянатчиси дилшат ришит сөзидә әскәртип, уйғурларниң кишилик һоқуқиға һөрмәт қилмай туруп, уларға баравәр муамилә қилмай туруп, аталмиш җуңхуа милләтлириниң бүйүк иттипақлиқини тәкитләшниң һечқандақ үнүм һасил қилмайла қалмастин, бәлки әкс тәсир яритидиғанлиқини агаһландурди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.