Xitay, Uyghur élidin bashlinidighan gaz turuba liniyisining yilliq gaz yetküzüsh miqdarini yene ashurghan

Xitay munasiwetlik da'iriliri Uyghur élidin bashlinidighan gherbning gazini sherqqe yötkesh tebi'iy gaz turuba liniyiside özgertish élip bérip, mezkur turuba liniyisining yilliq gaz yetküzüsh miqdarini yene ashurghan.
Muxbirimiz jüme
2009.12.26

Shinxu'a axbaratida körsitishiche, xitay néfit tarmaqliri yetküzüshüsh miqdarini özgertish qurulushining bu yil 12 - ayning otturilirida tamamlan'ghanliqi, netijide mezkur tuba liniyisining eslidiki yiligha 12 milyard kub métir gaz yetküzüsh miqdari ashurulup 17 milyard kub métirigha yetküzülgenlikini ilgiri sürgen.

Xitay néfit da'iriliri gherbning gazni sherqqe yötkesh 1 - turuba liniyisini 2004 - yili ishqa kirishtürgen we 2005 - yili aprélda resimi gaz bésimi ashurup toshush qurulushini bashlighan idi. Bu turuba liniyisi Uyghur élining tarim néfitlikidin bashlinip udul xitayning shangxey shehirige tutashturulghan.

Xitay hökümiti gherbning gazini sherqqe yötkesh 1 - turuba liniyisini tamamlighandin kéyin, 2008 - yilidin féwralda 2 - turuba liniyisi qurulushini bashlighan idi. Mezkur turuba liniyisi Uyghur élining jungghar oymanliqi néfitlikidin bashlinip xitayning ichkiri ölkilirige tutashturulidu.

Dunya Uyghur qurultiyi bayanatchisi dilshat rishitning qarishiche, xitay hökümiti Uyghur élide tebi'iy gaz we néfitlirini talan - taraj sheklide jiddiy échip yötkewatqan bolup, bu xildiki qurulushlar Uyghur éli yerlik xelqining menpe'etige ziyan yetküzüpla qalmay, belki yene Uyghur éli tebi'iy ékologiyisige éghir buzghunchiliq élip kelmekte.

Xitayning bu xildiki mes'uliyetsiz tereqqiyat pilani muhitshunaslar, kishilik hoquq mutexessisliri we bir qisim gherb ellirining naraziliqini qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.