Уйғур елиниң җәнубидики бир қисим районлар кәлкүн апитигә учриған

Уйғур елиниң җәнубидики бир қисим районлар кәлкүн апитигә учриған. "Тәңритағ" торидин мәлум болушичә, ақсу вилайитиниң учтурпан наһийисидә 23 - сентәбирдин башлап яғқан қаттиқ ямғурниң тәсиридә кәлкүн апити йүз бәргән.
Мухбиримиз ирадә
2010-09-27
Share

Учтурпан наһийисигә қарашлиқ 86 йеза-кәнттин җәмий 17 миңға йеқин аһалә апәткә учриған. Биваситә иқтисадий зиян он милйон йүәндин ашқан.

Хәвәрдә, апәттин кейин һөкүмәт даирилириниң апәттин қутқузуш хизмәтлирини яхши елип барғанлиқи хәвәр қилинған. Әмма апәткә учриған амминиң тәпсилати вә өлүм - йетим һадисилири һәққидә һечқандақ мәлумат берилмигән.
 
"Җуңго хәвәрләр тори" дин мәлум болушичә йәнә, бүгүн қәшқәрниң йеңисар наһийисидиму кәлкүн апити йүз бәргән.
Бәзи җайларда кәлкүн сүйиниң еқиш миқдари секунтиға 500 куб метирға йәткән. Кәлкүндә ташйол вә етиз - ериқлар еғир бузғунчилиққа учриған.
 
Мәлум болушичә, йеңисар наһийисидә бу йил 6 - айдин башлап һазирғичә 6 қетим кәлкүн кәлгән. Һалбуки, бу һәқтики хәвәрләрдә, апәтниң йәрлик аммиға қанчилик тәсир көрсәткәнлики, қанчә адәмниң зиянға учриғанлиқи вә өлүм - йетим һадисилири һәққидә һечқандақ мәлумат берилмигән.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт