Uyghur élining jenubidiki bir qisim rayonlar kelkün apitige uchrighan

Uyghur élining jenubidiki bir qisim rayonlar kelkün apitige uchrighan. "Tengritagh" toridin melum bolushiche, aqsu wilayitining uchturpan nahiyiside 23 - séntebirdin bashlap yaghqan qattiq yamghurning tesiride kelkün apiti yüz bergen.
Muxbirimiz irade
2010.09.27
Share on WhatsApp
Share on WhatsApp

Uchturpan nahiyisige qarashliq 86 yéza-kenttin jem'iy 17 minggha yéqin ahale apetke uchrighan. Biwasite iqtisadiy ziyan on milyon yüendin ashqan.

Xewerde, apettin kéyin hökümet da'irilirining apettin qutquzush xizmetlirini yaxshi élip barghanliqi xewer qilin'ghan. Emma apetke uchrighan ammining tepsilati we ölüm - yétim hadisiliri heqqide héchqandaq melumat bérilmigen.
 
"Junggo xewerler tori" din melum bolushiche yene, bügün qeshqerning yéngisar nahiyisidimu kelkün apiti yüz bergen.
Bezi jaylarda kelkün süyining éqish miqdari sékuntigha 500 kub métirgha yetken. Kelkünde tashyol we étiz - ériqlar éghir buzghunchiliqqa uchrighan.
 
Melum bolushiche, yéngisar nahiyiside bu yil 6 - aydin bashlap hazirghiche 6 qétim kelkün kelgen. Halbuki, bu heqtiki xewerlerde, apetning yerlik ammigha qanchilik tesir körsetkenliki, qanche ademning ziyan'gha uchrighanliqi we ölüm - yétim hadisiliri heqqide héchqandaq melumat bérilmigen.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.