Хитай даирилири учар йезисида кәлкүндин өзини қутулдурғанларни қолға алди

Йеңисар наһийисиниң учар йезисида көрүлүп бақмиған дәриҗидә зор кәлкүн апити йүз бәргән болуп, 10 миңдин артуқ киши апәтниң зийиниға учриған.
Мухбиримиз ирадә
2010-06-17
Share

Дуня уйғур қурултийиниң баянатчиси дилшат ришитниң радиомизға билдүрүшичә, һөкүмәт даирилири апәттин қутқузуш тәдбирлирини вақтида алмиған. Һөкүмәттин ярдәм алалмиғандин кейин өзини қутқузуш үчүн һәрикәт қилғанларни болса "җәмийәтни қалаймиқан қилиш" җинайити билән әйибләп 13 нәпәр уйғурни қолға алған.
 
Истансимиз мухбири әһвални игиләш үчүн учар йезилиқ сақчиханиға телефон қилғинида, сақчи 13 кишиниң қолға елинғанлиқини инкар қилмиған. У мухбирға "мән бу соалиңизға җаваб берәлмәймән" дегән.

Йәрлик уйғурларниң билдүрүшичә, апәттин кейин һазирғичә һөкүмәт даирилири апәт райониға аран 30 чедир йоллиған. Буниңдин сирт апәт районидики сәһийә сақлиқни сақлаш әтрити апәткә учриған хәлқтин дора пули вә давалиниш һәққи алған болуп, бу амма арисида күчлүк наразилиқ қозғиған.

Дилшат ришит әпәнди учар йезиси хитай даирилири тәрипидин дини әқидиси күчлүк район дәп бекитилип, нуқтилиқ өзгәртиш елип бериливатқан йеза болғанлиқтин, апәттин қутқузуш хизмитиниң яхши елип берилмайватқанлиқини илгири сүрди.

 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт