Xitay Uyghur emgek küchlirining merkezlik Uyghur éli da'iriside ishleshke teshkillinidighanliqini bildürdi

"Shinjang" gézitining xewer qilishiche, yerlik da'iriler xelq'ara kishilik hoquq organlirining we uyghür teshkilatlirining shiddetlik tenqidige uchrighan Uyghur emgek küchlirini ichkirige yötkep ishlitish siyasitige özgertish kirgüzüp, buningdin kéyin Uyghur éshincha emgek küchlirige "aptonom rayon ichide we özige yéqin etraptin ish tépip bérishke yüzlinidighanliqi"ni bildürgen.
Muxbirimiz erkin
2010-01-15
Share

Xitay hökümiti 2004 - yildin bashlap Uyghur emgek küchlirini ichkirige yötkesh siyasitini yolgha qoyup, buning bilen Uyghurlarning iqtisadi ehwalini yaxshilaydighanliqini ilgiri sürgen idi.

Lékin 2009 - yili 6‏ - ayning 26 - küni güangdung shawgüende yüz bergen Uyghur ishlemchilerni öltürüsh weqesi we bu weqege egiship, ürümchide yüz bergen 5 ‏- iyuldiki milliy toqunush xitayning bu siyasitige éghir zerbe bergen idi.

Uyghur aptonom rayoni emgek küchi bayliqi we ijtima'iy kapalet nazaritining dihqan ishlemchiler xizmitige mes'ul emeldari wu yünxu'a , buningdin kéyin yézilardiki éshincha emgek küchlirini "uzun - muddetlik we muqim ishqa  orunlashturushni nishan, aptonom rayon ichide ishlitish bilen özige yéqin etraptin ish tépip bérishni yölinish qilidighanliqi"ni tekitligen.

Bu heqtiki xewerlerde bu yil Uyghur ilide yötkilip ishleydighan emgekchiler bir milyon 200 ming adem qétimgha, nahiye, sheher, yéza - bazarlargha yötkilip ishleydighanlarning 700 minggha yétidighanliqini ilgiri sürgen.

Dunya Uyghur qurultiyi xitayning Uyghur emgek küchlirini ichkirige yötkeshtiki gherizi assimiliyatsiye qilishni meqset qilidighanliqini eskertip, eger assimiliyatsiye gherizi bolmisa ,Uyghur yashlirigha nimishqa yerlik orunlarda xizmet tépip bermeydighanliqini sorighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet