Хитайниң 2009‏ - йили уйғур елида бир тәрәп қилинған дөләт бихәтәрлик дилолириға аит санлиқ мәлумати талаш ‏- тартиш қозғиди

Уйғур аптоном райони юқири сот мәһкимисиниң башлиқи рози исмайил аптоном райони хәлқ қурултийиниң йиғинида доклат берип, 2009‏ - йили "шинҗаң"миқясида дөләт бихәтәрликигә зиян селишқа мунасивәтлик 437 дилониң бир тәрәп қилинғанлиқини, буниң ичидә 10 йилдин артуқ җазаға һөкүм қилинған кишиләрниң 255 нәпәр икәнликини билдүргән.
Мухбиримиз әркин
2010-01-15
Елхәт
Пикир
Share
Принт

Рози исмайилниң ейтишичә, үрүмчидә йүз бәргән "5 - июл вәқәси"дин кейин, даириләр йәрлик сот мәһкимилиригә қаратқан назарәтчилик вә йитәкчиликни күчәйтип, "5 - июл вәқәси"дә қолға елинған тутқунларға аит дилоларниң бир тәрәп қилинишиға капаләтлик қилғанлиқини илгири сүргән.

Дуня уйғур қурултийи рози исмайилниң доклатиға инкас қайтуруп, рози исмайил елан қилған санлиқ мәлумат "5 - июл вәқәси"дин кейин қолға елинған уйғурларниң интайин аз сандики бир қисимидин ибарәт дәп көрсәтти.

Д у қ баянатчиси дилшат ришит, сот ишлириниң очуқ - ашкара болмиғанлиқини тәнқидләп, сотланмай җазаланған тутқунларниң сани рози исмайил елан қилған бу сандин нәччә һәссә көпликини билдүрди. Хитай "5 - июл вәқәси"дин кейин уйғур илида арқа - арқидин сот ечип, нурғун кишини өлүм җазасиға һөкүм қилған иди.

Хәлқара җәмийәт хитайни әйибләп, үрүмчидики сотни "сиясийлаштуруш" вә хәлқара әдлийә өлчимигә хилаплиқ қилиш билән тәнқидлигән иди.

Пикирләр (0)
Share
Толуқ бәт