Йеңи йил һарписида уйғур елида йәнә өй ахтуруш вә тутқун қилиш давам қилди

Радиомизниң игилишичә, йеңи йил һарписида уйғур елиниң һәрқайси җайлирида сақчилар йәнә бир түркүм кишиләрни тутқун қилған. Шу күни үрүмчи кочилири болупму дөңкөврүк қатарлиқ уйғурлар мәркәзлик олтурақлашқан җайларда адәттин ташқири көп санда сақчилар тинимсиз чарлаш елип барған.
Мухбиримиз шоһрәт һошур
2010.01.05
Share on WhatsApp
Share on WhatsApp

Мәлум бир шаһидниң ашкарилишичә, шу күни һечқандақ бир вәқә чиқмиған болсиму, сақчилар уйғурлар мәһәллисидики бир түркүм кишиләрни өйлиридин тутқун қилип елип маңған. Мухбиримизниң игилишичә йәнә, йеңи йил һарписида, ғулҗида 5 - июл вәқәси хатириләнгән бир синалғу лентиси байқалған болуп, бу мунасивәт билән 10 нәччә киши тутқун қилинған.

Хитай сақчилири 25 - декабирдин 30 - декабирға қәдәр қәшқәр шәһиридә өй ахтуруш елип берип қәдимий китабларни йиққан вә от қойған. Йәнә хитайчә яшинваң торида хәвәр қилинишичә, сақчилар үрүмчидә етилдақ (йәни поҗаңза) сетилидиған дуканларға ухтуруш чүшүрүп, етилдақ сетивалғучиларни тизимлаш, әгәр чоң типтики паалийәтләр үчүн көп миқдарда етилдақ сетивалмақчи болса, чоқум сақчиниң тәстиқ қәғизини көрүш тәләп қилинған.

Хитай сақчилири бу қетимқи өй ахтуруш вә тутқун қилиш һәрикәтлириниму худди бурунқиға охшашла, һечқандақ қануний рәсмийәт көрсәтмәстин, зораванлиқ билән елип барған. Уйғур елида, хитайниң, 5 - июл вәқәсидин кейинки тунҗи йеңи йил һарписини қаттиқ әндишә ичидә өткүзгәнлики мәлум болмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт