Хитай даирилири уйғур елидә тор бәтлириниң омумйүзлүк ечиветилгәнликини елан қилди

Уйғур аптоном райони даирилири баянат елан қилип, 14 ‏- майдин башлап уйғур или тәвәсидә тор бәтлириниң омумйүзлүк ечиветилгәнликини елан қилди.
Мухбиримиз әркин
2010.05.14
Share on WhatsApp
Share on WhatsApp

Уйғур аптоном райони парткоми болса бу қарарниң "әстайидил тәтқиқ " қилиш арқилиқ чиқирилғанлиқини илгири сүргән. Лекин даириләр баянатта йәнә пуқраларни агаһландуруп, торда "зиянлиқ учур тарқатқан" кишиләрниң "қанун бойичә җазалинидиғанлиқи" ни һәм "қанунға хилаплиқ қилғучилар " ни мәлум қилидиған паш қилиш телефони һәм адресини елан қилған.

Уйғур аптоном райони даирилириниң мәзкур қарари вашингтонда икки күнлүк америка - хитай кишилик һоқуқ диалоги өткүзүлүп, ахирқи күни елан қилинди.

Интернет әркинлики бу қетимқи диалогдики муһим музакирә темилириниң бири иди. Лекин даириләр уйғур аптоном райони миқясидики торларниң омумйүзлүк ечиветилгәнликини билдүргән болсиму, лекин "диярим", шәбнәм", " сәлкин" ториға охшаш тор бәтләр йәнила ечилмиди. Мәзкур тор бәтлириниң бир қисим тор саһиби вә тор башқурғучилириниң даириләр тәрипидин давамлиқ тутуп турулуватқанлиқи илгири сүрүлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.