Xitay da'iriliri Uyghur élide tor betlirining omumyüzlük échiwétilgenlikini élan qildi

Uyghur aptonom rayoni da'iriliri bayanat élan qilip, 14 ‏- maydin bashlap Uyghur ili teweside tor betlirining omumyüzlük échiwétilgenlikini élan qildi.
Muxbirimiz erkin
2010-05-14
Share

Uyghur aptonom rayoni partkomi bolsa bu qararning "estayidil tetqiq " qilish arqiliq chiqirilghanliqini ilgiri sürgen. Lékin da'iriler bayanatta yene puqralarni agahlandurup, torda "ziyanliq uchur tarqatqan" kishilerning "qanun boyiche jazalinidighanliqi" ni hem "qanun'gha xilapliq qilghuchilar " ni melum qilidighan pash qilish téléfoni hem adrésini élan qilghan.

Uyghur aptonom rayoni da'irilirining mezkur qarari washin'gtonda ikki künlük amérika - xitay kishilik hoquq di'alogi ötküzülüp, axirqi küni élan qilindi.

Intérnét erkinliki bu qétimqi di'alogdiki muhim muzakire témilirining biri idi. Lékin da'iriler Uyghur aptonom rayoni miqyasidiki torlarning omumyüzlük échiwétilgenlikini bildürgen bolsimu, lékin "diyarim", shebnem", " selkin" torigha oxshash tor betler yenila échilmidi. Mezkur tor betlirining bir qisim tor sahibi we tor bashqurghuchilirining da'iriler teripidin dawamliq tutup turuluwatqanliqi ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet