ئىگىلىنىشىچە، ئىمتىھانغا جەمئىي 29 مىڭ 356 ئادەم قاتناشقان. ئەمما، خەۋەردە بۇ ئوقۇتقۇچىلارنىڭ ئۇيغۇر ياكى خىتايلارنى ئاساس قىلىپ قوبۇل قىلىنىدىغانلىقى ھەققىدە مەلۇمات بېرىلمىگەن.
خەۋەردىن مەلۇم بولۇشىچە يەنە، ئىمتىھانغا قاتناشقانلار قوش تىل سەۋىيىسى بويىچە ئىمتىھان بەرگەننىڭ سىرتىدا، ئۇلارنىڭ مىللەتلەر ئىتتىپاقلىقى تەربىيىسىگە بولغان كۆز قارىشىمۇ سىنالغان. سىياسىي ئېقىم مەسىلىلىرى، سىياسىي قانۇنغا دائىر تېمىلارمۇ ئىمتىھان سوئالىغا كىرگۈزۈلگەن.