Uyghur élide ' aqma nopusni bashqurushni kücheytish' qatarliq cheklesh tedbirliri kücheytilmekte

Uyghur élide yerlik xitay hökümiti héyt - bayram we yéngi yil mezgilidiki jem'iyet muqimliqini qoghdashni bahane qilip Uyghur élining her qaysi jaylirida "aqma nopusni bashqurushni kücheytish" qatarliq cheklesh tedbirlirini alghan.
Muxbirimiz jüme
2008-12-22
Élxet
Pikir
Share
Print

"Shinjang amanliq tori" da bérilgen xewerlerdin ashkarilinishiche, nöwette Uyghur élining her qaysi jayliridiki her derijilik hökümet tarmaqliri "aqma nopusni tizimlash we bashqurush iqtidarini östürüsh" belgilimilirini yolgha qoyushqa bashlighan .

Mezkur torda 19 - dékabir bérilgen xewerde neqil qilinishiche, xoten nahiyiside yolgha qoyulghan bu xilidiki belgilimilerde: " xoten nahiyisining jem'iyet amanliqini kontrol qilish iqtidarini yuqiri kötürüshke maslishish üchün, aqma nopusning idiyiwi mayilliqini igilep turush, öy ijarige bérish ishliri we aqma nopus ishliri xizmitini qéliplashturush" qatarliqlar körsitilgen.

Bu xilidiki belgilimiler aqsu wilayiti bay nahiyisi amanliq toridimu élan qilin'ghan bolup, konkrétni belgilimiler yuqiriqilar bilen asasen oxshash.

Bu heqte toxtalghan dunya Uyghur qurultiyi bayanatchisi dilshat rishit, xitay da'irilirining bu xildiki cheklesh belgilimilirini peqet yerlik Uyghur xelqighila qaratmiliq yürgüzidighanliqini, emma Uyghur élidiki aqqun xitaylargha ijra qilinmaydighanliqini körsetti.

Dilshat rishit xitay hökümitining bu xil siyasetlirining kishilik hoquq nizamnamiliridiki "puqralarda erkin köchüsh we erkin olturaqlishish hoquqi bolush" maddilirigha xilap ikenlikini otturigha qoydi we xitay hökümitini basturush tüsini alghan mezkur siyasetni derhal toxtitishqa chaqirdi.

Toluq bet