Uyghur rayonluq j x organliri bir qétimliq térrorluq hujumini tosup qalghanliqini bildürgen

Shinxu'a agéntliqining 16 - séntebir xewer qilishiche, Uyghur rayonluq j x orgini yéqinda, "5 - iyul weqesi" din kéyin, partlitish hujumi élip bérishni pilanlighan bir guruppa Uyghurni qolgha alghan.
Muxbirimiz shohret hoshur
2010-09-21
Share

Xewerde bildürülüshiche, j x organliri siyithamut obul we yasin mexmut bashchiliqidiki 6 ademni qolgha alghan hemde bomba yasashqa kéreklik köp miqdarda matériyal we eswablarni qolgha chüshürgen.

Xewerde bildürülüshiche gumandarlar, "5 - iyul weqesi" din kéyin, aqsu sheher etrapida 3 orunda bomba yasash öyi qurup, 20 bomba yasighan.

Aqsuda ötken ayning 19 - küni, charlash xadimlirigha bomba bilen hujum qilish weqesi yüz bergen. Weqedin kéyin da'iriler weqege chétishliq 4 gumandarni qolgha alghanliqini, ikki gumandarning weqe jeryanida ölgenlikini élan qilghan idi.

Xitay xewerliride ilgiri - kéyin bir ay ichide élan qilin'ghan bu ikki weqe, yüz bergen orun, waqit we xaraktér jehettin bir - birige asasen oxshash. Emma gumandarlarning isimliki tamamen perqliq.

Xewerlerde bayan qiliniwatqan bu ikki déloning eslide bir weqe yaki ayrim - ayrim ikki weqe ikenliki éniq emes. Éniq boluwatqini, aqsuda yüz bergen xitay charlash etritige hujum qilish weqesining chétilish da'irisining kengliki we weqeni eyni chaghda xitay da'irilirining mumkin qeder kichiklitip körsitishke tirishqanliqidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet