Уйғур елидә зор көләмдә кәм учрайдиған химийилик елементлар қатлими байқалди

Уйғур елидә зор көләмдә кәм учрайдиған ниобий вә тантал қатарлиқ химийилик елементлар қатлими байқалди. Тәйвән мәркизий агентлиқиниң хәвәр қилишичә, мәзкур елементлар қатлими ақсу вилайити бай наһийиси тәвәсидин байқалған.
Мухбиримиз җүмә
2009-08-31
Елхәт
Пикир
Share
Принт

Мәлум болушичә, бу нөвәт мәзкур қатламдин 100 миң тонна ниобий, 10 миң тонна тантал вә коп миқдарда гафний қатарлиқ кәм учрайдиған метал записи тепилған.

Хәвәрдә нәқил қилинишичә, хитай геологийә академийиси кан байлиқлири бөлүминиң башлиқи шу хәймиң, пүтүн хитай бойичә байқалған ниобий маддисиниң 80 миң тонниға йетидиғанлиқи, әмма бу нөвәт уйғур елидә байқалған ниобий записиниң хитай бойичә әң зор көләмлик икәнликини билдүргән.

Униң билдүрүшичә, уйғур елидә байқалған ниобий записи 130 милярд йүән хитай пулиға ярайдикән.

Бу нөвәт бай наһийисидин байқалған ниобий қатлими ақсу вилайити тәвәсидә җүмлидин җәнуби уйғур елидә байқалған әң йеңи тәбиий байлиқ записи болуп, ақсу районидин илгири йәнә тәбиий газ вә зор миқдарда нефит записи байқалған иди.

Уйғур елидә минерал маддилар вә дуня да кәм учрайдиған химийилик маддилар записи интайин мол. Һалбуки мәзкур байлиқлардин йәрликләрниң һечқандақ мәнпәәткә еришәлмәйдиғанлиқи илгири сүрүлмәктә.

Пикирләр (0)
Share
Толуқ бәт