Уйғур диярида зәһәрлик чекимлик әткәсчилики еғирлашмақта

Шинхуа агенлиқиниң хәвиридин мәлум болушичә, уйғур диярида зәһәрлик чекимлик әткәсчилик әһвали күндин - күнгә еғирлашмақта.
Мухбиримиз ирадә
2010-02-05
Share

Уйғур районлуқ зәһәрлик чекимликкә қарши туруш бирләшмиси башлиқиниң шинхуа агентлиқиға билдүрүшичә, 2009 - йилиму зәһәр әткәсчилик вәқәлири еғир дәриҗидә садир болған болуп, бир йилниң өзидә ениқланған вәқә 1480 қетим, қолға чүшүрүлгән зәһәр миқдари 59 миң грам икән. Қолға чүшкән җинайәт гумандари 1795 киши икән.

Хәвәрдә көрситилишичә, "алтун үч бурҗәк" вә "алтун һилал ай" дәп атилидиған асаслиқ зәһәр мәнбәлири һазир уйғур дияриға кәң көләмлик һалда вә шундақла техиму йеңи усуллар билән зәһәр йөткәватқан болуп, бу уйғур елиниң зәһәрлик чекимлик вәзийитиниң интайин җиддийликини көрситип турмақта.

Афғанистандики "алтун һилал ай" зәһәр ишләпчиқириш базисиниң дунядики чоң зәһәр ишләпчиқириш орниға айлиниши вә зәһәр әткәсчилириниң асия қитәлиригә туташқан зәһәрлик чекимлик тошуш йолиниң биринчи өткили уйғур ели болғачқа, уйғур ели һәм уйғурлар "алтун һилал ай"ниң әң зор зийиниға учриған, йәни бу дияр "алтун һилал ай"дин зәһәр киридиған вә йәнә истимал қилинидиған җайға айланған.

Игилигән мәлуматлардин қариғанда, һазир уйғур районида яш - өсмүрләрниң зәһәрлик чекимлик чекиш һадисиси еғирлаватқан болуп, бу сәвәблик һаятидин айриливатқанларниң саниму кишини чөчүтидикән.

Гәрчә хитай даирилири, уйғур елигә зәһәрлик чекимликниң тәсири рәсмий көрүлгән 10 йилдин буян зәһәрлик чекимликләргә қаттиқ зәрбә берип келиватқанлиқини тәшвиқ қилип келиватқан болсиму, радиомиз игилигән мәлуматлар һәмдә уйғурларниң инкаслириға қариғанда, хитай һөкүмити зәһәрлик чекимликләрни чәкләштә асаслиқ күчини йәнила зәһәр чәккүчиләрни тутуш вә вақитлиқ тизгинләшкә қаритип, зәһәрниң кириш мәнбәси вә тарқилишини чәкләшкә сәл қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт