Uyghur diyarida zeherlik chékimlik etkeschiliki éghirlashmaqta

Shinxu'a agénliqining xewiridin melum bolushiche, Uyghur diyarida zeherlik chékimlik etkeschilik ehwali kündin - kün'ge éghirlashmaqta.
Muxbirimiz irade
2010-02-05
Share

Uyghur rayonluq zeherlik chékimlikke qarshi turush birleshmisi bashliqining shinxu'a agéntliqigha bildürüshiche, 2009 - yilimu zeher etkeschilik weqeliri éghir derijide sadir bolghan bolup, bir yilning özide éniqlan'ghan weqe 1480 qétim, qolgha chüshürülgen zeher miqdari 59 ming gram iken. Qolgha chüshken jinayet gumandari 1795 kishi iken.

Xewerde körsitilishiche, "altun üch burjek" we "altun hilal ay" dep atilidighan asasliq zeher menbeliri hazir Uyghur diyarigha keng kölemlik halda we shundaqla téximu yéngi usullar bilen zeher yötkewatqan bolup, bu Uyghur élining zeherlik chékimlik weziyitining intayin jiddiylikini körsitip turmaqta.

Afghanistandiki "altun hilal ay" zeher ishlepchiqirish bazisining dunyadiki chong zeher ishlepchiqirish ornigha aylinishi we zeher etkeschilirining asiya qit'elirige tutashqan zeherlik chékimlik toshush yolining birinchi ötkili Uyghur éli bolghachqa, Uyghur éli hem Uyghurlar "altun hilal ay"ning eng zor ziyinigha uchrighan, yeni bu diyar "altun hilal ay"din zeher kiridighan we yene istimal qilinidighan jaygha aylan'ghan.

Igiligen melumatlardin qarighanda, hazir Uyghur rayonida yash - ösmürlerning zeherlik chékimlik chékish hadisisi éghirlawatqan bolup, bu seweblik hayatidin ayriliwatqanlarning sanimu kishini chöchütidiken.

Gerche xitay da'iriliri, Uyghur élige zeherlik chékimlikning tesiri resmiy körülgen 10 yildin buyan zeherlik chékimliklerge qattiq zerbe bérip kéliwatqanliqini teshwiq qilip kéliwatqan bolsimu, radi'omiz igiligen melumatlar hemde Uyghurlarning inkaslirigha qarighanda, xitay hökümiti zeherlik chékimliklerni chekleshte asasliq küchini yenila zeher chekküchilerni tutush we waqitliq tizginleshke qaritip, zeherning kirish menbesi we tarqilishini chekleshke sel qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet