10 Kündin béri Uyghur élining herqaysi jaylirida arqa - arqidin kelkün apiti yüz bermekte. Xitay metbu'atliri, jaylarda apettin qutquzush heriketlirining jiddiy élip bériliwatqanliqini xewer qilmaqta. Xewerlerdin biride bayan qilinishiche, kuchadiki qutquzush herikitide tik uchar ayroplanlar ishqa sélin'ghan. Radi'omiz muxbiri bügün kuchadin ehwal igiliginide, qutquzulghan apetzadilerning tash yol qurulushida yol yawatqan xitay ishchilar ikenliki, nur bekri qatarliq rayonluq hökümet rehberlirining xitay ishchiliridin neq meydanda hal sorighanliqi melum boldi. Emma muxbirimiz aqtu nahiyiside apetke uchrighan Uyghur ahaliliridin ehwal igiliginide, ular apet yüz bergendin buyan hökümet emeldarlirini we yardimini körüp baqmighanliqini bildürdi.