Xitay yerlik hökümiti Uyghur élidin adem yötkeshni dawamlashturmaqta

Shinxu'a agéntliqining xewer qilinishiche, bu yilning kéyinki yérimidin bashlap, Uyghur aptonom rayon da'iriliri bir qisim yéza éshincha emgek küchlirini rayon ichidiki nahiye - bazarlirigha yötkep orunlashturghan bolsa, yene bir türkümlirini xitay ölkilirige yötkigen.

Xewerde mundaq déyilgen: "yéza éshincha emgek küchliri tertiplik teshkillinip, rayon tewesidiki ademge éhtiyajliq emgek bazarlirigha hemde rayon'gha yardem bérishke belgilen'gen ölke sheherlerdiki emgek bazarlirigha yötkep ishqa orunlashturuldi. Shuning bilen her a'ilide kesip boyiche terbiyilen'gen bir adem bolush we her a'ilidin bir adem ishqa orunlashqan bolush nishani ishqa ashuruldi."

Xewerde körsitishiche, bu emgek küchliri asasen ghulja, jenubiy Uyghur élidiki aqsu, qeshqer, qizilsu we xoten qatarliq rayonlardin yötkelgen.