3 Uyghur erzdar, qeshqer shamalwaghliq yüz nechche Uyghurgha wekil bolup béyjinggha erzge keldi

Qeshqer shamalwaghliq 3 neper Uyghur erzdar mezkur yézidiki yüz nechche a'ilige wekil bolup yéqinda béyjinggha yer mülk erzige kelgen.
Muxbirimiz erkin
2012-10-31
Élxet
Pikir
Share
Print

Meryemgül qatarliq erzdarlarning "Uyghurbiz" tor békitige bildürüshiche, qeshqer shamalbagh yéziliq hökümet, shamalbagh yéziliq merkizi bashlan'ghuch mektipini kéngeytip qurush dégen nam bilen, shamalbaghdiki bir qisim ahalilerning öy-makanlirini chéqip, ulargha tölem puli bérish heqqide toxtam imzalighan.

Biraq, her kwadrat métirgha qanchidin tölem bérish mesiliside puqralar bilen yéziliq hökümet arisida ixtilap kélip chiqqan. Erzdarlarning ilgiri sürüshiche, toxtamda nurghun adaletsizlik bar bolup, bu rayondiki her bir kwadrat métir yerning bazar bahasi 3000 somdin artuq bolsimu, biraq da'iriler puqralarni her bir kwadrat métir yer üchün 750 somdin tölem bérishke qol qoyduruwalghan.

Erzdarlar da'irilerning bir qisim ahalilerge tehdit sélip, toxtamgha imza qoydurghanliqini, bezilerning toxtam mezmunidin xewersiz qol qoyghanliqini, da'irilerning toxtamda saxtipezlik qilghanliqini, toxtamdiki bérishke tégishlik bezi pullarni tutup qalghanliqini ilgiri sürgen.

"Uyghurbiz" torining bildürüshiche, erzdarlar béyjinggha kélishige, qeshqerning béyjingda turushluq ish bashqarmisining mes'uli erzdarlarning qaytip kétishini telep qilip, ularning yol xirajitini kötürüshke wede qilghan. Erzdarlar kétishni ret qilghanda ulargha tehdit salghan. Erzdarlarning qeshqerdiki a'ile tawabi'atliri we uruq-tughqanlirimu, yerlik hökümet da'iriliri we saqchi orunlirining tehditige uchrighan.

Toluq bet