Уйғур елидә көчмә нопуслар йәрләштүрүлмәктә

Шинхуа агентлиқиниң нәқил кәлтүрүшичә, уйғур аптоном районлуқ һөкүмәт һәр қайси җайлардики көчмән нопусларниң җайларда туруш рәсмийитини беҗириш хизмитини җиддий ишләп, уйғур аптоном район даирисидики 11 вилайәт, област вә шәһәрдә мәхсус туруш салаһийити беҗирип бериш орни қурған болуп, бундақ рәсмийәт беҗириш орунлириниң сани 2618гә йәткүзүлүп, һазирғичә 1 милйон 118 миңдин артуқ адәмгә туруш рәсмийити беҗирип берилгән.
Мухбиримиз үмидвар
2012-07-15
Елхәт
Пикир
Share
Принт


Хәвәрдә мәлум болушичә, 12 - июлғичә болған арилиқта уйғур елидики тизимға елинған көчмә нопусниң сани 1 милйон 710 миң икән. Аптоном районлуқ һөкүмәтниң хитай миллитидин болған муавин рәиси көчмә нопусларни йәрләштүрүш хизмәт сәвийисини өстүрүшни тәләп қилған.

Өткән һәптидики хитай һөкүмәт хәвәрлиридә һазир уйғур елидә 6 милйон ичкиридин кәлгән көчмә нопусниң барлиқи, уларниң һәммисиниң «шинҗаңда йәрлишип, уларниң өзлирини һәқиқий шинҗанлиқдәк һес қилиши» ни қолға кәлтүрүш қарар қилинғанлиқи мәлум болған иди. Пәрәзләргә таянғанда әгәрчә мәзкур 6 милйон ичкиридин кәлгән көчмә нопус һазир бар 8 милйондин артуқ хитай нопуси билән бирләшсә, уйғур елидики хитай нопуси уйғурлардин көрүнәрлик дәриҗидә ешип кетиши мумкин икән.

Пикирләр (0)
Share
Толуқ бәт