Германийидә бир уйғур хитайға җасуслуқ қилиш билән қолға елинди

Германийә сақчи даирилири бир уйғурни хитайға җасуслуқ қилиш билән әйибләп сотқа тартти. Бирләшмә агентлиқиниң хәвәр қилишичә, 45 яшлиқ уйғур җасус әр киши болуп, униң исми һазирчә "р" дәп тонуштурулған.
Мухбиримиз ирадә
2011-03-31
Share

Хәвәрдин мәлум болушичә, германийә феврал мәһкимисиниң әйиблигүчилири "р" исимлик бу кишиниң 2005-йилиниң оттурилиридин тартип, 2009-йили ноябирғичә болған арилиқта германийидә яшайдиған уйғурларниң паалийәтлири тоғрилиқ хитай җамаәт хәвпсизлик тармақлириға учур йәткүзгәнликини ейтқан.

Германийә уйғурлар кишилик һоқуқ паалийәтлири елип бериватқан дөләтләрниң бири болуп, германийидики уйғур җамаити кишилик һоқуқ паалийәтлиридә актип рол ойнап кәлмәктә. Хәвәрдә ейтилишичә, "р" исимлик бу киши 2002-йили миюнхенға келип, бу йәрдики уйғур җамаити билән арилашқан вә хитай җамаәт хәвпсизлик тармақлириға уйғурларниң намайиш вә башқа паалийәтлири һәққидә учур бәргән.

Бу шветсийидә қолға елинған бабур мәхсуттин кейин хитайға җасуслуқ қилиш билән қолға елинған иккинчи уйғур болуп һесаблиниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт