D u q “Uyghurlarning kélechikini belgileshke da'ir xelq'ara aliy kéngishi” ning yighin küntertipini élan qildi

Dunya Uyghur qurultiyi jüme küni “Uyghurlarning kélechikini belgileshke da'ir xelq'ara aliy kéngishi” ning yighin küntertipini élan qildi.
Muxbirimiz erkin
2011.04.29
Share on WhatsApp
Share on WhatsApp

Küntertipke asasen kéngeshning échilish murasimi 2‏-may küni etigende amérika dölet mejlisining jenubiy binasida ötküzülidu, lékin 8‏-maygha qeder dawam qilidighan yighinning resmiy muzakirisi washin'gtonning gherbidiki lizburg baziri etrapidiki bir méhmanxanida dawam qilidu.

Eger yighinning küntertipide düshenbige qeder tasadipiy özgirish bolmisa, yighinning échilish murasimigha d u q re'isi rabiye qadir xanimning riyasetchilik qilidighanliqi, amérika dölet mejlisi awam palata ezaliridin frank wolf, jim mikgowérn, jeymis moran, kristofir simit, deywid wu, kéys ellisénlarning tebrik sözi qilidighanliqi bildürüldi.

Uyghurlarning nöwettiki éghir buzghunchiliqqa uchrawatqan siyasiy, ijtima'iy, iqtisadi, medeniyet hoquqi muzakire qilinidighanliqi ilgiri sürülgen yighinda yene, “Uyghur milliy herikitining buningdin kéyinki nishanigha munasiwetlik achquchluq mesililer” ning munazirige qoyulup, qarar chiqirilidighanliqi qeyt qilinmaqta.

Dunya Uyghur qurultiyi re'isi rabiye qadir xanimning bildürüshiche, 20 din artuq dölettin 100 din artuq wekil qatnishidighan bu yighin “Oxshimighan pikirdiki kishilerning bir yerge jem bolup, öz wetinining kélechikige munasiwetlik yol xeritisi sizip chiqish nuqtisidin muhim ehmiyetke ige” iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.