Даириләр уйғур елигә мәбләғ селишни ашурувәтмәслик һәққидә агаһландурулди

Хитай йеза игилик банкисиниң бир тәтқиқат орни йеқинда доклат елан қилип, уйғур ели қатарлиқ йиллиқ иқтисади юқири сүрәт билән ешип бериватқан өлкә, аптоном районларни қалаймиқан мәбләғ салмаслиқ, шәһәрлишишни баһанә қилип, ашуруп мәбләғ салмаслиқ һәққидә агаһландурған.
Мухбиримиз әркин
2013-02-15
Share

Доклатта көрситилишичә, 2012‏-йили мутләқ көп қисим өлкиләрниң омумий ишләпчиқириш миқдари төвәнлигән болсиму, лекин уйғур ели, тибәт, гәнсу, йүннән қатарлиқ бир қисим өлкә-аптоном районларниң омумий ишләпчиқириш миқдари давамлиқ 12% вә униңдин юқири сүрәт билән өрләп маңған.

Доклатта, шинҗаң қатарлиқ җайлардики бу хил юқири сүрәтлик тәрәққиятниң мәбләғ селишқа тайинип барлиққа келиватқанлиқи әскәртилип, бу хил әһвал 2013‏-йили йәнә давамлишидиғанлиқини билдүргән.

Уйғур аптоном райониниң 2012‏-йиллиқ иқтисадий тәрәққияти аз кәм 13% гә йетип барған.

Көзәткүчиләрниң илгири сүрүшичә, буниңда көмүрчилик, електр енергийә, көмүр газ ишләпчиқиришиға мәбләғ селиш, йәр мүлк вә көчмән йөткәп шәһәрлишишни тезлитиш қатарлиқ амиллар асаслиқ рол ойниған.

Доклатта, бу хил әһвалға дәрһал хатимә берилмисә, йәрлик һөкүмәтләрниң қәрзи давамлиқ ешип баридиғанлиқи, һазир1.6 Трлиюн долларға йетип барғанлиқини билдүргән.

Мутәхәссисләр йәрлик һөкүмәтләрниң қәрзини хитай иқтисади үчүн "қәрәллик бомба" дәп көрсәтмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт