Xitay da'iriliri 2011- yilida ürümchidiki Uyghur mehellilirini tarqaqlashturushni dawamlashturmaqchi
2010.12.23
Xewerdin melum bolushiche, bu qétimliq qurulush pilanining kölimi 2010- yilidikidin ikki hesse zor bolup, Uyghur rayonluq hökümet da'iriliri qurulushqa zor meblegh ajritip, 150 ming kishini öyliridin köchürüsh xizmitini ching tutup ishlep, qisqa muddet ichide pilanni ishqa ashuridiken.
Xewerde éytilishiche, bu qurulush pilanigha kétidighan meblegh xitay merkizi hökümitining shinjanggha türler boyiche yardem bérish siyasiti boyiche, dölettin bérilidighan nuqtiliq iqtisadi yardem arqiliq élip bérilidiken.
Gerche, xewerde qaysi rayonlardiki öylerning sökülidighanliqi we kimlerning köchürülidighanliqi éniq tilgha élinmighan bolsimu, emma bu türge "az sanliq milletler olturaqlashqan namrat rayonlargha alahide yardem bérish türi" dep isim qoyulghanliqidin qarighanda, buning yenila Uyghurlar topliship olturaqlashqan rayonlarni asas qilidighanliqi melum bolmaqta.
Chünki, xitay da'iriliri ürümchi weqesidin kéyin Uyghur rayonining jenub we shimalidin kélip ürümchide olturaqliship qalghan Uyghurlarni tarqaqlashturup, ürümchining at beyge meydani, tashbulaq we yamaliq téghi rayonlirida öylerni chéqip tüzligen idi.
Köp körülgen xewerler
RFA
- Nuri türkel: “Amérikaning anamni ekélishini Uyghurlargha körsitiwatqan ghemxorluqining ipadisi, dep qaraymen”
- Istanbulda “Uyghur mehellisi” qurulushining pütüp chiqishi munasiwiti bilen échilish murasimi ötküzüldi
- Toronto uniwérsitéti doklati: “Uyghur ayal kishilik hoquq qoghdighuchiliri we zhurnalistlar xitayning misli körülmigen basturushigha uchrighan”
- “Uyghur sen'et körgezmisi” ge yandashqan Uyghur qirghinchiliqi muhakime yighini bashlandi
- Nuri türkelning anisi amérika hökümitining yardimide washin'gton'gha yétip keldi