Uyghur élining nopusi ötken bir yilda 1.1 Pirsent köpeygen

Xitay axbarat wasitilirining ashkarilishiche, Uyghur élining omumi nopusi ötken bir yilda 1.1 Pirsent köpiyip, 22 milyon 87 ming 100 ge yetken.
Muxbirimiz erkin
2012.03.16
Share on WhatsApp
Share on WhatsApp

Bu xitay axbarat wasitilirining xitay hökümet statistikilirini neqil keltürüp, Uyghur aptonom rayoni nopusi heqqide bergen eng yéngi melumati.

Xitay hökümiti 2010‏-yili omumi yüzlük nopus tekshürüshi élip bérip, Uyghur élining omumi nopusini élan qilghan bolsimu, biraq Uyghurlarning nopus sani we Uyghur aptonom rayoni nopusida igileydighan nisbitini hazirgha qeder élan qilmighan. Bu közetküchilerning jiddiy gumanini qozghighan mesile bolup qalghan idi.

Biraq, “Asiya kindiki” torining hökümet da'iriliri 15‏-féwral élan qilghan nopus uqturushidin neqil keltürüp tarqatqan bu heqtiki xewiride, Uyghurlarning xas nopus sani tilgha élinmighan. Peqet Uyghur aptonom rayoni omumi nopusi 2011‏-yilning axirliri 22 milyon 87 mingdin éship, aldinqi yilqidin 1.1 Pirsent köpeygenliki ilgiri sürülgen.

Lékin, aptonom rayonluq ijtima'iy penler akadémiyisining ijtima'iy mesililer tetqiqatchisi turghunjan nopus mesiliside hökümetni agahlandurup, Uyghur élining “Zémini keng bayliqi mol” bolsimu, biraq adem yashashqa bolidighan yer zémin köp emesliki, sheher tereqqiyat modéli we yerning adem sighdurushchanliqigha diqqet qilish kéreklikini tekitligen.

Xewerde ilgiri sürüshiche, Uyghur éli nopusining sheher-bazarlishish nisbiti 5.43 Pirsentke yetken. Közetküchiler, sheher nopusining mutleq köp qismi xitay köchmenlirini asas qilidighanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.