Uyghur naxsha -usul ömiki amérikidiki oyun qoyush pa'aliyitini axirlashturup, ürümchige qaytip barghan

Uyghur aptonom rayonluq naxsha-usul ansambili Uyghur sen'et etriti 28-mart amérikidiki oyun qoyush pa'aliyitini axirlashturup, ürümchige qaytip barghan.
Muxbirimiz erkin
2012-03-30
Share

Oyun qoyush etriti amérikidiki 40 kündin artuq pa'aliyiti jeryanida illini'oyis, jenubiy dakuta, oxayu, michigan qatarliq shtatliridiki bashlan'ghuch, ottura mektep, bir qisim uniwérsitét we sen'et merkezliride oyun qoyghan. Xitay axbarat wasitiliri jüme küni élan qilghan bu heqtiki xewerliride, "Shinjang wekiller sen'et ömiki" ning amérikada oyun qoyup, "Zeper quchup qaytip kelgenliki" ni ilgiri sürgen.

Biraq sen'et etritining pa'aliyiti amérikidiki Uyghurlarni ümidsizlendürgen bolup, d u q xitay da'irilirining Uyghur sen'etchilirini kontrol qilghanliqini tenqid qildi. D u q bayanatchisi dilshat rishit, pa'aliyet jeryanida sen'etchilerning amérikidiki Uyghurlar bilen alaqe qilishi cheklen'genlikini eskertip, sen'et ömikining ziyariti pa'aliyet axirliship sen'etchiler ürümchige qaytip barghan'ghiche axbarat wasitiliridin we amérikidiki Uyghurlardin mexpiy tutulghanliqini bildürdi.

Sen'et ömikining oyun béliti bezi jaylarda 4 dollardin, yene bezi jaylarda 6, 7 dollardin sétilghan bolup, bezi oyunlar ottura-bashlan'ghuch mekteplerning waskétbol zalida qoyulghan. Xitay da'iriliri "5‏-Iyul weqesi" din kéyin, Uyghur sen'et ömeklirining gherb ellirige chiqip oyun qoyushigha qaritilghan cheklimini bir az boshashturghan bolsimu, biraq sen'et ömikidiki Uyghur artislarni kontrol qilip, ularning gherb jem'iyiti we Uyghurlar bilen uchurushushigha cheklime qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet