Баш бәт | Тәпсилий хәвәр | Қисқа хәвәрләр

Алий мәктәп пүттүргән уйғур оқуғучиларниң ишқа орунлишалмайватқанлиқи инкас қилиниватқан бу пәйтләрдә, хитай ахбарат саһәси 18 ‏ - декабир күни, хитай өлкилиридики " шинҗаң толуқ оттура мәктәп" оқуғучилири хизмитигә мәсул хадимниң сөзини нәқил кәлтүрүп, хитай өлкисидә толуқ оттура мәктипини пүттүргән уйғур оқуғучилириниң 85 пирсәнтиниң хитайдики нуқтилиқ алий мәктәпләрдә оқушини тамамлап, бу йил өз юртиға қайтқанлиқи вә мутләқ көп қисминиң иш тәқсиматиға игә қилинғанлиқини билдүрди.

• Принт
• Һәмбәһр
• Пикир
• Елхәт

2000 ‏ - Йили хитай өлкилиридә тәсис қилинған " шинҗаң толуқ оттура синипи" хитай һөкүмитиниң аз санлиқ милләт ихтисас игилирини йетиштүрүштики наһайити муһим дәп қариған маарип тәдбири болуп, әмма бу уйғур хәлқиниң наразилиқини қозғапла қалмай, хәлқарадики мутәхәссисләр арисида муназирә қозғаватқан бир мәсилигә айланған иди.

Уларниң қаришичә, уйғур пәрзәнтлирини, өз ана тили маарипида тәрбийиләштин мәһрум қалдуруш, болупму ата ‏ - анисидин, өсүп йетилгән муһит вә юртидин айрип, хитай юртида тәрбийиләш, уйғур маарипини, мәдәнийити, тарихини һәтта уйғурларниң мәвҗудийитини йоқ қилишқа урунуштин ибарәт мәқсәтлик тәдбир.

Гәрчә хитай ахбарат вастилири, қош тиллиқ маарип сияситини тәшвиқ қилиш ғәризидә, хитайда толуқ оттура вә алий мәктәпләрни пүттүргән тунҗи қарар уйғур оқуғучилириниң 85 пирсәнтиниң өз юртиға қайтип келип ишқа орунлаштурулғанлиқини елан қилған болсиму, бирақ радиомизға кәлгән инкасларға қариғанда, бу оқуғучиларниң ишқа орунлишиш нисбити йәнила наһайити аз һесаблинидикән.

• Бүгүнки аңлитиш
• Илгирики аңлитишлар