Йәнә бир түркүм уйғур ишләмчиләр хитайға елип кетилди

Қәшқәр кона шәһәр наһийисидин йәнә бир түркүм уйғур яшлири хитай өлкилиридики завутларға ишләмчиликкә елип китилди.
Мухбиримиз җүмә
2009-05-25
Share

Қәшқәр хәвәрләр торида көрситилишичә, 400 нәпәр уйғур яш 21 - май пәйшәнбә күни хитайниң гуаңдуң өлкиси шавгуән шәһиригә җайлашқан шүри хәлқара чәклик ширкитидә ишләшкә елип меңилған.

Шури ширкити оюнчуқ, кийим - кечәк вә чамадан қатарлиқ буюмларни ишләпчиқиридиған болуп, ширкәт ишчи қобул қилиш еланиға қариғанда, ишчиларниң бир күнлүк иш һәққи аз болғанда 24 йүән хитай пули әтрапида болидикән.

Йәрлик хитай һөкүмити 2004 - йилдин буян уйғур елидә " ешинча әмгәк күчлирини сиртқа йөткәш" намида асаслиқи уйғур қизлиридин тәшкилләнгән ишчилар қошунини хитай өлкилиридики завутларға йөткәп келиватқан болуп, радиомиз игилигән бәзи мәлуматларға қариғанда, бу қизлар хитай завутлирида һәр хил кишилик һоқуқ дәпсәндичиликлиригә йолуқмақта икән.

Қәшқәр хәвәрләр торида көрситилишичә йәнә, қәшқәр кона шәһәр наһийисидин 8 - түркүм хитай шәһәрлиригә елип меңилидиған ишләмчиләр тәйярлинип болған.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт