Хитай йәрлик һөкүмити йәнә бир түркүм уйғур қизлирини хитай өлкилиригә ишләшкә елип маңди

Хитай йәрлик һөкүмити 7 - январ йәнә бир түркүм уйғур қизлирини хитай өлкилиригә ишләшкә елип маңди. Шинхуа ахбаратида көрситишичә, бу нөвәт елип меңилған уйғур ишләмчиләр қәшқәр вилайити конашәһәр наһийиси опал йезисидин икән.
Мухбиримиз җумә
2010-01-09
Share

Хәвәр қилинишичә, бу нөвәт җәмий 500 нәпәр уйғур қизи, хитайниң гуаңдуң вә шәндуң өлкилиригә елип меңилған. Әмма хәвәрдә бу қизларниң конкретни қайси завутларға елип меңилғанлиқи хәвәр қилинмиған вә бу қизларниң хитай өлкилиридики завутларда қандақ хизмәтләргә селинидиғанлиқи оттуриға қоюлмиған.

Хитай һөкүмити 2004 - йилидин буян йолға қойған "ешинча әмгәк күчлирини сиртларға йөткәш сиясити" ни 2006 - йилидин башлап күчәйтип елип бармақта иди.

Көзәтчиләр, бу җәрянда кона шәһәр наһийиси опал йезисидин болған асимгүл исимлик бир қизни әмгәк нәмуничиси қилип ясап чиққанлиқини илгири сүрүшкән.

Бәзи ениқсиз хәвәрләргә қариғанда асимгүл әмәлийәттә аилисини қамдиғудәк йетәрлик пул кирим қилалмиған.

Радиомиз илгири, хитай өлкилиригә йөткигән нурғун уйғур қизлириниң һәрхил хорлуқларға йолуққанлиқи һәтта бәзилириниң хитайдики қануний ишләш йешиға тошмиған нарсидә қизлар икәнлики ашкариланған иди.

2009 - Йили 5 - июл үрүмчи вәқәсиниң келип чиқишиға сәвәб болған "26 - июн шавгуән вәқәси"му хитай һөкүмитиниң мәҗбурий йолға қойған мәзкур сияситиниң мәһсули иди.
 
Шавгүәндики оюнчуқ завутиға йөткәлгән уйғур оғул - қизлири 2009 - йили 26 - июн хитайларниң һуҗумға учриған вә һуҗумда 2 нәпәр уйғурниң һаятидин айрилғанлиқи илгири сүрүлгән иди. 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт