Xitay yerlik hökümiti yene bir türküm Uyghur qizlirini xitay ölkilirige ishleshke élip mangdi

Xitay yerlik hökümiti 7 - yanwar yene bir türküm Uyghur qizlirini xitay ölkilirige ishleshke élip mangdi. Shinxu'a axbaratida körsitishiche, bu nöwet élip méngilghan Uyghur ishlemchiler qeshqer wilayiti konasheher nahiyisi opal yézisidin iken.
Muxbirimiz jume
2010-01-09
Share

Xewer qilinishiche, bu nöwet jem'iy 500 neper Uyghur qizi, xitayning gu'angdung we shendung ölkilirige élip méngilghan. Emma xewerde bu qizlarning konkrétni qaysi zawutlargha élip méngilghanliqi xewer qilinmighan we bu qizlarning xitay ölkiliridiki zawutlarda qandaq xizmetlerge sélinidighanliqi otturigha qoyulmighan.

Xitay hökümiti 2004 - yilidin buyan yolgha qoyghan "éshincha emgek küchlirini sirtlargha yötkesh siyasiti" ni 2006 - yilidin bashlap kücheytip élip barmaqta idi.

Közetchiler, bu jeryanda kona sheher nahiyisi opal yézisidin bolghan asimgül isimlik bir qizni emgek nemunichisi qilip yasap chiqqanliqini ilgiri sürüshken.

Bezi éniqsiz xewerlerge qarighanda asimgül emeliyette a'ilisini qamdighudek yéterlik pul kirim qilalmighan.

Radi'omiz ilgiri, xitay ölkilirige yötkigen nurghun Uyghur qizlirining herxil xorluqlargha yoluqqanliqi hetta bezilirining xitaydiki qanuniy ishlesh yéshigha toshmighan narside qizlar ikenliki ashkarilan'ghan idi.

2009 - Yili 5 - iyul ürümchi weqesining kélip chiqishigha seweb bolghan "26 - iyun shawgu'en weqesi"mu xitay hökümitining mejburiy yolgha qoyghan mezkur siyasitining mehsuli idi.
 
Shawgüendiki oyunchuq zawutigha yötkelgen Uyghur oghul - qizliri 2009 - yili 26 - iyun xitaylarning hujumgha uchrighan we hujumda 2 neper Uyghurning hayatidin ayrilghanliqi ilgiri sürülgen idi. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet