"ئۇيغۇر رايونىدا مۇقىملىق بولمايدىكەن، پۈتۈن جۇڭگودا مۇقىملىق بولمايدۇ"

خىتاي دۆلەتلىك تەرەققىيات ۋە ئىسلاھات كومىتېتىنىڭ مۇئاۋىن باشلىقى دۇ يىڭ بۈگۈن مۇخبىرلارنى كۈتۈۋېلىش يىغىنىدا قىلغان سۆزىدە، ئۇيغۇر رايونىنىڭ تەرەققىي قىلىشىدىكى ئاچقۇچلۇق مەسىلە - مۇقىملىق، دەپ كۆرسەتتى. ئۇ ئۇيغۇر رايونىنىڭ چەت دۆلەتلەر بىلەن ئۇزۇن چېگرىسى بارلىقىنى ۋە مۇرەككەپ دىنىي مەسىلىسىنىڭ بارلىقىنى بىلدۈردى.
ﻣﯘﺧﺒﯩﺮﯨﻤﯩﺰ ﺋﯩﺮﺍﺩﻩ
2010.07.08
Share on WhatsApp
Share on WhatsApp

فرانسىيە ئاگېتنلىقىنىڭ بايان قىلىشىچە، ئۈرۈمچى ۋەقەسىدىن بىر يىل كېيىن بۇ ھەقتە ئېغىز ئاچقان دۇ يىڭ " ئۇيغۇر رايونىدا مۇقىملىق بولمايدىكەن، پۈتۈن جۇڭگودا مۇقىملىق بولمايدۇ" دېگەن. ئۇ سۆزىدە يەنە، ئاز سانلىق مىللەتلەر كۆپ ئولتۇراقلاشقان غەربىي رايونلاردىكى نۇرغۇن جايلارنىڭ ئىنتايىن نامراتلىقىنى بىلدۈرۈپ" چېگرا رايونلارنى مۇقىملىققا ئېرىشتۈرۈش خىزمىتى ئىنتايىن مۇشەققەتلىك بىر خىزمەت" دەپ كۆرسەتكەن.

خىتاي دائىرىلىرى ئۆتكەن يىلى 5 - ئىيۇل ئۈرۈمچى ۋەقەسىدىن كېيىن شىنجاڭ خىزمىتى يىغىنىنى چاقىرىپ، "شىنجاڭنى تەرەققىي قىلدۇرۇش ئارقىلىق مەڭگۈلۈك ئەمىنلىكنى بەرپا قىلىش" دەيدىغان شۇئارنى ئوتتۇرىغا قويغاندىن كېيىن، خىتاي مەتبۇئاتلىرى ئارقا - ئارقىلاپ ئۇيغۇر رايونىغا سېلىنىدىغان مەبلەغلەر ھەققىدە خەۋەرلەرنى چىقارماقتا.

ئەمما، بېيجىڭدىكى مۇستەقىل تەتقىقاتچى، دوتسېنت ئىلھام توختى ئەپەندى ئالدىنقى كۈنى ئامېرىكا ئاۋازى رادىئوسىغا بەرگەن باياناتىدا، : شىنجاڭدىكى مەسىلە، پۇل كەملىك مەسىلىسى ئەمەس، بەلكى پۇلنى نەگە ئىشلىتىش ۋە پۇلنى قانداق بۆلۈشۈش مەسىلىسى " دەپ كۆرسەتتى.
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.