"Uyghur rayonida muqimliq bolmaydiken, pütün junggoda muqimliq bolmaydu"

Xitay döletlik tereqqiyat we islahat komitétining mu'awin bashliqi du ying bügün muxbirlarni kütüwélish yighinida qilghan sözide, Uyghur rayonining tereqqiy qilishidiki achquchluq mesile - muqimliq, dep körsetti. U Uyghur rayonining chet döletler bilen uzun chégrisi barliqini we murekkep diniy mesilisining barliqini bildürdi.
Muxbirimiz irade
2010.07.08
Share on WhatsApp
Share on WhatsApp

Fransiye agétnliqining bayan qilishiche, ürümchi weqesidin bir yil kéyin bu heqte éghiz achqan du ying " Uyghur rayonida muqimliq bolmaydiken, pütün junggoda muqimliq bolmaydu" dégen. U sözide yene, az sanliq milletler köp olturaqlashqan gherbiy rayonlardiki nurghun jaylarning intayin namratliqini bildürüp" chégra rayonlarni muqimliqqa érishtürüsh xizmiti intayin musheqqetlik bir xizmet" dep körsetken.

Xitay da'iriliri ötken yili 5 - iyul ürümchi weqesidin kéyin shinjang xizmiti yighinini chaqirip, "shinjangni tereqqiy qildurush arqiliq menggülük eminlikni berpa qilish" deydighan shu'arni otturigha qoyghandin kéyin, xitay metbu'atliri arqa - arqilap Uyghur rayonigha sélinidighan mebleghler heqqide xewerlerni chiqarmaqta.

Emma, béyjingdiki musteqil tetqiqatchi, dotsént ilham toxti ependi aldinqi küni amérika awazi radi'osigha bergen bayanatida, : shinjangdiki mesile, pul kemlik mesilisi emes, belki pulni nege ishlitish we pulni qandaq bölüshüsh mesilisi " dep körsetti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.