Канадада чиқидиған 'йәршари мәктуплири' гезитниң тор бетидә уйғур таамлири тонуштурулди

Канададин чиқидиған "йәршари мәктуплири" гезитниң тор бетидә уйғур таамлири тонуштурулди. Уйғур тамақлири һәққидики тонуштурушни мәзкур гезитниң сәһипә язғучиси лусий вейвермән язған болуп, тамақлар гезитиниң һәптилик тамақ рисалиси сәһиписидә тонуштурулған.
Мухбиримиз җумә
2010.09.25
Share on WhatsApp
Share on WhatsApp

Аптор сәһиписигә мундақ тема қойған: "хитайчә, япончә вә тайландчә тармақлардин зериккән болсиңиз, уйғурчә тамақларни тетип көрүң."

Аптор мундақ язған: "асия таамлири ичидә уйғурларниң тамақ мәдәнийити ғәрбкә анчә тонулмиди. Уйғур тамақлири хоручлириға селинған һәрхил дора - дәрмәклири билән көңүлгә һузур беғишлайду вә мәззилик."

Аптор йәнә, уйғур таамлириниң ана макани "шәрқий түркистан" дәп көрсәткән. У, уйғур таамлирини тунҗи болуп, германийиниң мюнхен шәһиридики бир уйғур ресторанида көргәнликини, уйғур ашпәзниң бирдәмдила узун вә инчикә ләғмән чөпни тәйяр қилғанлиқидин һәйран қалғанлиқини язған.

Бу нөвәтлик тамақ тонуштуруш сәһиписидә асаслиқи уйғур ләғминини етиш усули көрситилгән.

Уйғур таамлири өзиниң сағлам вә мәззиликлики билән уйғур елигә қошна районларда даңлиқ болсиму, ғәрб дунясиға анчә көп тонуштурулмиған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт