Уйғур елидә төт хил тилда өзлүкидин өгәнгүчиләрдин имтиһан елинди

Қош тиллиқ маарип нами астида хитай тили маарипи пүтүн уйғур ели миқясида җиддий омумлаштуриливатқан бу күнләрдә пүтүн хитай бойичә өзлүкидин өгәнгүчиләрниң алий мәктәпләргә кириш имтиһани уйғур елидә төт хил тилда елинди.
Мухбиримиз үмидвар
2012-10-21
Share

Бу төт хил тил уйғур,хитай, қазақ вә моңғул тиллиридин ибарәт болуп, имтиһан бериш үчүн 19 имтиһан райони бойичә 96 имтиһан елиш орни тәсис қилинған.

Бу йилқи өзлүкидин өгәнгүчиләр имтиһаниға қатнишидиғанларниң сани 65 миңдин артуқ болған болсиму, бирақ буларниң ичидә уйғурларниң қанчилик салмақни игиләйдиғанлиқи намәлум. Қәшқәр, үрүмчи, ақсу, күйтүн қатарлиқ шәһәрләр тизимға елинғанларниң сани бир қәдәр көп җайлар һесаблинидикән.

Уйғур көзәткүчиләрниң билдүрүшичә, өзлүкидин өгәнгүчиләр имтиһани өткән әсирниң 80-йиллиридила йолға қоюлған иди. Әмма, 90-йиллардин кейин зор сандики уйғур өзлүкидин өгәнгүчиләр қошуни йетишип чиққан болсиму, әмма ишсизлиқ нисбитиниң юқири болуши, һәтта рәсмий алий мәктәпләрни пүттүргәнләрниңму ишқа орунлишалмаслиқи, хитай миллитидин болған өзлүкидин өгәнгүчиләрниң көп иш пурсәтлиригә еришиши, җәмийәттики тәңпуңсизлиқни кәлтүрүп чиқарған иди.

Йеқинқи 10 йиллардин буян қош тиллиқ маарип нами астида хитай тили маарипиниң күчәйтилиши,алий мәктәпләрдә уйғур тилиниң әмәлдин қелиши уйғур өзлүкидин өгәнгүчиләргә бесим пәйда қилған иди.

Инкаслардин мәлум болушичә, уйғур зиялийлири арисида хитай һөкүмитиниң қош тиллиқ маарип нами астидики хитай тиллиқ маарипини ислаһ қилип, униңға қисмән өзгәртишләрни киргүзүши мумкинликини пәрәз қилишмақта, чүнки уйғур тилини маарип саһәсидин сиқип чиқириш қилмишлири хәлқаралиқ кишилик һоқуқ тәшкилатлириниң вә уйғурларниң тәнқидигә учриған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт