Uyghur élide töt xil tilda özlükidin ögen'güchilerdin imtihan élindi

Qosh tilliq ma'arip nami astida xitay tili ma'aripi pütün Uyghur éli miqyasida jiddiy omumlashturiliwatqan bu künlerde pütün xitay boyiche özlükidin ögen'güchilerning aliy mekteplerge kirish imtihani Uyghur élide töt xil tilda élindi.
Muxbirimiz ümidwar
2012-10-21
Share

Bu töt xil til Uyghur,xitay, qazaq we mongghul tilliridin ibaret bolup, imtihan bérish üchün 19 imtihan rayoni boyiche 96 imtihan élish orni tesis qilin'ghan.

Bu yilqi özlükidin ögen'güchiler imtihanigha qatnishidighanlarning sani 65 mingdin artuq bolghan bolsimu, biraq bularning ichide Uyghurlarning qanchilik salmaqni igileydighanliqi namelum. Qeshqer, ürümchi, aqsu, küytün qatarliq sheherler tizimgha élin'ghanlarning sani bir qeder köp jaylar hésablinidiken.

Uyghur közetküchilerning bildürüshiche, özlükidin ögen'güchiler imtihani ötken esirning 80-yilliridila yolgha qoyulghan idi. Emma, 90-yillardin kéyin zor sandiki Uyghur özlükidin ögen'güchiler qoshuni yétiship chiqqan bolsimu, emma ishsizliq nisbitining yuqiri bolushi, hetta resmiy aliy mekteplerni püttürgenlerningmu ishqa orunlishalmasliqi, xitay millitidin bolghan özlükidin ögen'güchilerning köp ish pursetlirige érishishi, jem'iyettiki tengpungsizliqni keltürüp chiqarghan idi.

Yéqinqi 10 yillardin buyan qosh tilliq ma'arip nami astida xitay tili ma'aripining kücheytilishi,aliy mekteplerde Uyghur tilining emeldin qélishi Uyghur özlükidin ögen'güchilerge bésim peyda qilghan idi.

Inkaslardin melum bolushiche, Uyghur ziyaliyliri arisida xitay hökümitining qosh tilliq ma'arip nami astidiki xitay tilliq ma'aripini islah qilip, uninggha qismen özgertishlerni kirgüzüshi mumkinlikini perez qilishmaqta, chünki Uyghur tilini ma'arip sahesidin siqip chiqirish qilmishliri xelq'araliq kishilik hoquq teshkilatlirining we Uyghurlarning tenqidige uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet