Siyasiy kéngesh wekilliri Uyghurlarning menpe'itini yene éghizgha almidi

Shinjang xewer torining bügünki bu heqtiki xewiride bayan qilinishiche, yighinda 10 neper wekil pikir bayan qilghan؛ pikir bayan qilghuchilardin bir nepirila Uyghur؛ yene xewerdin melum bolushiche, yighinda asasliqi xitaylar merkezlik halda orun igiligen sahelerdiki mesililer otturigha qoyulghan؛ emma Uyghurlarning nöwettiki jiddiy we emeliy mesililiri heqqide yene héchnéme déyilmigen.

Bügün bu heqte radi'omizda pikir bayan qilghan dunya Uyghur qurultiyi bayanatchisi dilshat rishit, xitay da'irilirining omumiy mesililerni emes, ayrim mesililerni, ré'al mesililerni emes, sün'iy mesililerni muzakirige qoyup, özinimu we rayon xelqinimu aldawatqanliqini tenqid qildi. Dilshat rishit sözide, Uyghurlarning özini- özi idare qilishtin ibaret siyasiy hoquqi we öz zéminining tebi'iy bayliqliridin özliri behrimen bolushtin ibaret iqtisadi hoquqi muzakirige qoyulmighan herqandaq bir yighinning, rayonning yéqin we kelgüsi muqimliqi üchün ijabiy tesir körsitelmeydighanliqini eskertti.