Уйғур аптоном районлуқ партком йиғин чақирип, 2013‏-йили қилидиған муһим ишларни орунлаштурған

Уйғур аптоном районлуқ партком 26-вә 27‏-декабир күнлири даимий комитетниң кеңәйтилгән йиғинини чақирип, 2013-йили қилидиған муһим ишларни орунлаштурған.
Мухбиримиз әркин
2012.12.28
Share on WhatsApp
Share on WhatsApp

Келәр йили һәр қайси җайлардики партийә, һөкүмәт органлириниң 8 җәһәттин нәтиҗигә еришишини тәләп қилған. Униң бири, аталмиш бөлгүнчилик, зораванлиққа қарши туруш, җәмийәт муқимлиқини қоғдап, узун мәзгиллик әминлик асасини яритиш җәһәттә нәтиҗә қазиништур. Қалған 7 җәһәттики тәләпниң бир қисми муһит, мәдәнийәт қурулуши, хәлқ турмушини өзгәртишкә алақидар болсиму, бирақ мутләқ көп қисми йәнила сиясий идийиви қурулушни күчәйтишкә мунасивәтлик.

Көзәткүчиләрниң илгири сүрүшичә, хитай һөкүмити 2010‏-йили җаң чүншйәнни аптоном районлуқ парткомға мәсул қилип йөткәп кәлгәндин кейин, уйғур җәмийитидә һөкүмәтниң сияситигә қарита бәзи үмидләр туғулған болсиму, бирақ униң мушу икки йилдин буян иҗра қилған сиясити уйғурларниң мәдәнийәт, иҗтимаий, сиясий вә иқтисади җәһәтләрдин чәткә қеқилишини давамлиқ еғирлаштурған.

Чәтәлдики уйғур тәшкилатлириниң илгири сүрүшичә, аптоном районлуқ парткомниң 2013‏-иҗра қилишни орунлаштурған сиясити йәнила уйғур җәмийитини илгириләп контрол қилиш, өктичи пикирләрни бастуруш вә хитай көчмәнлирини йөләш асасиға қурулған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.