خەۋەرلەردىن مەلۇم بولۇشىچە 2010-يىلى ئۇيغۇر ئېلىدە خىتاي شىركەتلىرىنىڭ سانائەت قۇرۇلۇشى ئۈچۈن پىلانلانغان يەر كۆلىمى 196مىڭ 400 مو بولۇپ، ئۇيغۇر ئېلىنىڭ جەنۇب، شىمالىدىكى قەشقەر، كورلا، غۇلجا، سانجى قاتارلىق جايلاردىن نۇقتىلىق ھالدا يەر ئىگىلەش دولقۇنى قوزغالغان بولۇپ، يېرىدىن ئايرىلىپ قالغان دېھقان-چارۋىچىلارنىڭ يەر داۋاسى بارغانچە كۆپەيمەكتە.
زىيارىتىمىزنى قوبۇل قىلغان ئۇيغۇرلار خىتاي ھۆكۈمىتىنىڭ ئۇيغۇر ئېلىنىڭ چۆل-جەزىرىلىرىنىمۇ «يەر بايلىقى دۆلەتنىڭ» دېگەن پەتىۋا بىلەن، خىتاي شىركەتلىرىگە ھەم كۆچمەنلىرىگە تەقسىم قىلىپ بېرىشى، خىتاي ھۆكۈمىتىنىڭ ئۇيغۇر ئېلىدە ئوچۇقتىن-ئوچۇق بۇلاڭچىلىق سىياسىتى يۈرگۈزۈۋاتقانلىقىنىڭ يەنە بىر ئىسپاتى ئىكەنلىكىنى ئىلگىرى سۈردى.