Уйғур елиниң чөл җәзирилириниңму хитай ширкәтлиригә бөлүп берилиши уйғурларни нарази қилмақта

Хитайниң яшин тор бекитиниң хәвәр қилишичә, бу йил 7-айниң 1-күнидин башлап уйғур елиниң чөллүклиридә игилик тиклигән хитай ширкәтлиридин 2020-йили 31-декабирғичә йәрликкә тапшурулидиған йәр пули кәчүрүм қилинидиғанлиқи уқтурулған. Хәвәрдә дейилишичә, бу уқтуруш хитай малийә министирлиқи һәм дөләт земин байлиқи министирлиқи тәрипидин чүшүрүлгән.
Мухбиримиз меһрибан
2011.08.23

Хәвәрләрдин мәлум болушичә 2010-йили уйғур елидә хитай ширкәтлириниң санаәт қурулуши үчүн пиланланған йәр көлими 196миң 400 мо болуп, уйғур елиниң җәнуб, шималидики қәшқәр, корла, ғулҗа, санҗи қатарлиқ җайлардин нуқтилиқ һалда йәр игиләш долқуни қозғалған болуп, йеридин айрилип қалған деһқан-чарвичиларниң йәр даваси барғанчә көпәймәктә.

Зияритимизни қобул қилған уйғурлар хитай һөкүмитиниң уйғур елиниң чөл-җәзирилириниму “йәр байлиқи дөләтниң” дегән пәтива билән, хитай ширкәтлиригә һәм көчмәнлиригә тәқсим қилип бериши, хитай һөкүмитиниң уйғур елидә очуқтин-очуқ булаңчилиқ сиясити йүргүзүватқанлиқиниң йәнә бир испати икәнликини илгири сүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.