Бүгүрдә 4.5 Бал йәр тәврәп 700 дин артуқ өй бузғунчилиққа учриған

Җүмә күни әтигән саәт 5:51 минут өткәндә уйғур елиниң бүгүн наһийисидә йәт тәврәп, бир қисим өйләр бузғунчилиққа учриған.
Мухбиримиз әркин
2012-06-15
Share

Йәрлик сейсмологийә орни вә наһийилик һөкүмәт даирилириниң ашкарилишичә, йәр тәврәш дәриҗиси 4.5 Бал болуп, 718 еғиз өй охшимиған дәриҗидә бузғунчилиққа учриған.

Бирақ һөкүмәт даирилири өлүм-йитим вә ярилиниш әһваллириниң йүз бәргән-бәрмигәнликини хәвәр қилмиған. Пәқәт телефон алақә ториниң кашилиға учриғанлиқини билдүргән шинхуа агентлиқиниң хәвиридә өйи өрүп чүшкән 22 аилиликни тарқақлаштурулғанлиқи, апәткә қарши қутқузуш буюмлириниң йәр тәврәш райониға йолланғанлиқи илгири сүрүлгән.

Байинғолин аптоном областлиқ сейсмологийә идарисиниң билдүрүшичә, тәврәш чоңқурлуқи 20 километир болуп, йәр тәврәш мәркизи шимали параллел2.42 Градус, шәрқий меридиан 2.84 Градусқа тоғра келидикән.

Бүгүр наһийилик һөкүмәт даирилири йә тәврәш мәркизиниң деңиз йүзидин 2500 метир егизликтики тағлиқ районға тоғра келидиғанлиқини билдүргән. Бүгүр наһийиси тәңри теғиниң җәнубий етики вә тарим ойманлиқиниң шималий қирғиқиға тоғра келиду. Бүгүр хитайниң райондики әң муһим нефит-тәбий газ ишләпчиқириш базилириниң бири.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт