Bügürde 4.5 Bal yer tewrep 700 din artuq öy buzghunchiliqqa uchrighan

Jüme küni etigen sa'et 5:51 minut ötkende Uyghur élining bügün nahiyiside yet tewrep, bir qisim öyler buzghunchiliqqa uchrighan.
Muxbirimiz erkin
2012.06.15

Yerlik séysmologiye orni we nahiyilik hökümet da'irilirining ashkarilishiche, yer tewresh derijisi 4.5 Bal bolup, 718 éghiz öy oxshimighan derijide buzghunchiliqqa uchrighan.

Biraq hökümet da'iriliri ölüm-yitim we yarilinish ehwallirining yüz bergen-bermigenlikini xewer qilmighan. Peqet téléfon alaqe torining kashiligha uchrighanliqini bildürgen shinxu'a agéntliqining xewiride öyi örüp chüshken 22 a'ililikni tarqaqlashturulghanliqi, apetke qarshi qutquzush buyumlirining yer tewresh rayonigha yollan'ghanliqi ilgiri sürülgen.

Bayin'gholin aptonom oblastliq séysmologiye idarisining bildürüshiche, tewresh chongqurluqi 20 kilométir bolup, yer tewresh merkizi shimali parallél2.42 Gradus, sherqiy méridi'an 2.84 Gradusqa toghra kélidiken.

Bügür nahiyilik hökümet da'iriliri ye tewresh merkizining déngiz yüzidin 2500 métir égizliktiki taghliq rayon'gha toghra kélidighanliqini bildürgen. Bügür nahiyisi tengri téghining jenubiy étiki we tarim oymanliqining shimaliy qirghiqigha toghra kélidu. Bügür xitayning rayondiki eng muhim néfit-teb'iy gaz ishlepchiqirish bazilirining biri.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.